|
| IX Feira das Artes Plásticas |
|
O vindeiro venres 16 de xullo inaugúrase a IX edición da popular “Feira das Artes Plásticas de A Coruña”. O acto terá lugar ás 12:30h nos Xardíns de Méndez Núñez e contará coa presenza da concelleira de cultura Mª Xosé Bravo.
A mostra permanecerá aberta ata o día 25 do presente mes en horario de 12 a 14h e de 18 a 22h. Nela participarán 26 artistas de recoñecido prestixio procedentes de distintos puntos de Galicia.
Durante a derradeira xornada da feira celebrarase un certame de pintura infantil patrocinado pola Concellaría de Cultura do Concello de A Coruña, con importantes premios para nenos de entre 7 e 12 anos. As bases poderanse recoller na caseta de información.
Falar da “IX Feira das Artes Plásticas” supón falar dunha traxectoria iniciada fai xa nove anos pola “Asociación de Artistas Plásticos Galegos ARGA”, que converteu o evento nunha constante imprescindible do verán coruñés.
A arte sae á rúa, pónnolo fácil. Bríndanos a oportunidade de gozar coas obras e cos seus artistas durante un agradable paseo. A calidade é alta e a variedade de estilos pictóricos moi ampla, oportunidade sen igual para que o espectador adquira creacións do seu gusto. Por todo, unha festa artística que non se poden perder.
Artistas participantes:
María Xesús Díaz, Abalde, Cabello Ruiz, Ramón Astray, Paco Ascón, Bego Tojo, Tino Poza, Gandullo, Pilar Fandiño, Vanessa Lodeiro, Teresa Faginas, Pedro Bueno, Novais, Luis Romero, María Manuela, Chelo Rodríguez, X. Vázquez Castro, Victor Rey, Teresa Añón, Rilo, Oscar Cabana, Laureano Vidal, A. Jorreto, Gerardo Fraga, C. Vázquez Prats,e Beatriz Ansede
| | | | |
|
|
| |
|
|
